Klæðning að drýgja tekjurnar

Klæðning er nú ekki virðulegasta fyrirtækið á markaðnum né það vandvirkasta, við sjáum nú bara vinnubrögðin hjá þeim þar sem er verið að tvöfalda Reykjanesbrautina milli Hafnarfjarðar og Garðabæjar þar sem þurfti eitt banaslys og nokkur minni óhöpp áður en þeir hengsluðust til að merkja sóðaskapinn sinn almennilega.  Ég þurfti að vera þarna á ferðinni á nóttunni talsvert oft núna í dimmasta skammdeginu og finnst magnað að þarna yrðu ekki fleiri alvarleg slys.  Þeir ætla kannski að skrapa saman aur fyrir söluna á trjánum og kaupa fleiri skilti og aðvörunarljós.

Tré úr Heiðmörk fundust á lóð verktaka

Hvað eigum við að borga mikið

Maður hlýtur að spyrja sjálfan sig hvað við skattborgarar eigum að borga mikið fyrir þessa endemis vitleysu allasaman.  Meðan að það vantar peninga í reksturinn hjá fjölmörgum ríkisstofnunum, dópsalar og handrukkarar virðast fá að starfa óáreittir, fólk þarf að búa á götunni vegna þess að ríkið eða sveitafélögin virðast ekki hafa efni á að sjá þeim fyrir húsnæði, þá er verið að eiða mörghundruð milljónum í þessa endalausu sápuóperu.  Stundum verða menn bara að bíta í það súra og viðurkenna að þeir hafa rangt fyrir sér.  Ég er farinn að versla helmingi meira í Bónus en ég þarf til að sýna þeim feðgum samstöðu.

Jón Ásgeir millilendir í yfirheyrslu

Nú fór ég að hugsa

Ef við hugsum málið aðeins lengra þá notum við vörur sem eru framleiddar í löndum þar sem vitað er að barnaþrælkun viðgengst, s.s. Kína, Indónesía, Indland o.fl. löndum.  Okkar eigin börn leika sér með leikföng sem eru búin til við aðstæður sem við viljum ekki og getum ekki ímyndað okkur hvernig eru.  Samt kaupum við þessar vörur eins og ekkert sé.  En þegar hingað kemur fullorðið fólk sem vill halda ráðstefnu um klám verður allt vitlaust.  (mér finnst að vísu stórmerkilegt að eitt dýrasta land í heimi verði fyrir valinu)  Í staðinn fyrir að leyfa þessu fólki að koma til Íslands halda sína kaupstefnu eða hvað sem á að kalla þetta, klára sín mál og fara heim aftur. Ég er að vísu ennþá að mynda mér skoðun á þessu en mér finnst við svolítið tvöföld í roðinu með þetta allt saman.

Hörð mótmæli vegna klámþings

Fyrsti bloggvinurinn

Mig langar til að bjóða fyrsta bloggvininn velkominn.  Hann heitir Óttarr og er hinn vænsti drengur.  Við erum ekki alltaf sammála um hlutina en hann má eiga það að hann hefur furðu oft rétt fyrir sér. 

Af hverju slógust þau bara ekki

Nú borga tryggingarnar tvöfalt gler sem er mun öruggara en einfalt og þau, (þeir, þær) geta haldið áfram að henda dóti án þes að stofna öðrum í hættu.  Allavegana gott að litla stelpan meiddi sig ekki.

Rúða lenti á höfði níu ára stúlku

Þetta er fyrsta bloggfærslan mín

Hér ætla ég að prufa að blogga.  Þegar ég finn andann koma yfir mig mun ég tjá mig hérna, andinn kemur hinsvegar mjög óreglulega svo ómögulegt er að segja til um hvað ég verð duglegur við að tjá mig.