Að sjálfsögðu

Þarna er ég alveg sammála Hæstarétti, Héraðsdómi og tryggingafélaginu, að sjálfsögðu á ekki að borga krónu þegar fullir eða hormónatruflaðir einstaklingar eru að skemma eða eyðileggja bílana sína með einhverjum hálvitagangi.

Sorglegast er þó alltaf þegar þessir rugludallar eru að valda öðrum tjóni sem hvergi koma nærri öðruvísi en að vera með bílinn sinn á vitlausum stað á vitlausum tíma.

Fær ekki greidda kaskótryggingu vegna ölvunar ökumanns

MORÐTILRAUN

Nú í kvöld rifjast upp minningar frá því ég var stubbur og hafði ekkert nema ríkissjónvarpið að horfa á.  Þá var það eitt erfiðasta kvöld vetrarins þegar þessar blessuðu eldhúsdagsumræður voru í sjónvarpinu, gott ef fréttunum var ekki frestað til að geta sýnt þetta ömurlega sjónvarpsefni.

Mér eru sérstaklega minnisstæð vonbrigðin þegar Prúðuleikararnir urðu að víkja fyrir eldhúsdagsumræðunum í eitt skiptið, ég gleymi aldrei tilfinningunni þegar ég settist fyrir framan sjónvarpið og í staðinn fyrir Kermit og Svínku sem ég leit á sem vini mína birtist þessi hryllingur.

Af hverju er þetta ekki haft á dagskrá eftir miðnætti á virkum degi eða fyrir hádegi til dæmis á mánudegi.

Það jafnast á við morðtilraun að sýna annan eins hroða og þetta "sjónvarpsefni" er. Ég skemmti mér betur þegar ég fékk áfengiseitrun um árið og hélt ég væri að deyja en að horfa á þetta.

Hvaða blýantsnagara datt þetta í hug.

Þarna hefur einhver opinber starfsmaður fengið hugljómun.  Nú þegar NMT kerfið er að lognast útaf þá fer ríkið að skattleggja talstöðvar sem verða augljóslega meira notaðar í kjölfarið og ennþá mikilvægari öryggistæki en þær eru nú þegar.

Það er alveg magnað hvað ríkið getur lagst lágt í skattheimtu af tækjum sem það ber engan kostnað af.  Þetta er jafn fáranlegt eins og ef að ég þyrfti að borga afnotagjald af þvottasnúrunni sem stendur úti í garði hjá mér.

 

„Menn munu fjarlægja þessi tæki“

Á maður að dást að honum eða vorkenna?

Maður hlýtur að velta fyrir sér hvernig hann fer að því að borga meðlögin með öllum hópnum og hinsvegar hvernig hann skipuleggur pabbahelgarnar.

þetta er eithvað sem aðeins Ameríkönum tekst.

 

Á von á sex börnum með sex konum

Afar athyglisvert

Þarna vantar heimilisfangið og nöfnin á mönnunum sem langaði báðum til að ryksuga (eða hvorugum) þetta er annaðhvort meira en lítið skítugur stigagangur eða óskaplega sérkennilegt fólk sem býr í þessum fræga stigagangi.

Þetta kallar á skoðunarferð.

Lögregla kölluð út vegna þrifa á sameign

Ekki frétt

Hvað ætli löggan á höfuðborgarsvæðinu þurfi að aðstoða marga einstaklinga um hverja einustu helgi við að komast heim til sín.  Þeir eru allavegana ófáir mennirnir og konurnar sem maður sér niðri í bæ um helgar sem geta enga björg sér veitt vegna ölvunar. 

Við skulum vona að Mogginn fari ekki að flytja fréttir af því.

Það eina sem er alveg víst er það að löggan er ekki öfundsverð af hlutskipti sínu niðri í bæ hverja einustu helgi, þegar svo kemur að því að taka þarf á mönnum sem eru ýmist útúrdópaðir eða viti sínu fjær af drykkju þá er ekkert nema vanþakklætið sem löggan fær í hausinn vegna þess að sá sem þurfti að koma í steininn fékk marblett í látunum.

Enn og aftur tek ég hatt minn ofan fyrir löggum þessa lands.  (þó að ég sé með 9 eða 10 punkta)

Þurftu aðstoð við að komast heim vegna ölvunar

Allt er nú bannað.

Hvernig stendur á því að ég má ekki spila bingo á almannafæri á vissum tímum ársins.

Einnig velti ég því fyrir mér hvernig hægt er að nota páskana til að minnast uppistandins í kringum Jésú og hans fólk þegar páskarnir eru aldrei á sama tíma ársins, maður hefði nú ætlað að krossfestingin og allt sem henni fylgdi hefði farið fram einhvern ákveðin mánaðardag en væri ekki bundin gangi himintunglanna.

Til þess að mótmæla útgöngubanni sem gengur hér í gildi alla páska þá er ég að spá í að halda bingóstund á almannafæri fyrir kl. 15.00 föstudaginn langa næstkomandi.

Staðsetning verður ákveðin síðar.

Bannað að spila bingó á ákveðnum tímum um páska

Þó fyrr hefði verið.

Er þetta ekki nákvæmlega það sem við þurfum að skoða hér á landi áður en þetta verður vandamál líkt og orðið er víða í vestur Evrópu og stefnir í að verða vandamál hérna.  Þetta er gráupplagt tækifæri til að festa í regluverk hvað við ætlum að sýna mikið umburðarlyndi eða skort á umburðarlyndi.

Ég hef einmitt oft velt því fyrir mér hvernig stendur á því að fólk frá öðrum heimshornum ákveður að flytja í velsældina á Vesturlöndum en virðast svo ekki sýna neinn áhuga á að blandast inn í samfélagið þegar tækifærin bjóðast til að aðlagast.

Þetta fólk virðist koma til Vesturlanda á þeim forsendum að það sé að flýja öfgatrú og ofrýki stjórnvalda heimafyrir en svo flytur það öfgatrúna og margra alda gamla (ó)siði með sér sem kemur algerlega í veg fyrir það að það geti nokkurntíman aðlagast svo neinu nemi.

Þá finnst mér einnig mjög sérkennilegt að þeir og þær sem hvað hæst hafa í umræðunni um jafnrétti kynjanna þegja þunnu hljóði þegar kemur að umræðunni um konur af erlendu bergi brotnu sem flytjast hingað til lands og virðast svo ekki hafa neinn rétt í samfélaginu þegar hingað er komið.  Eini staðurinn sem þær geta farið á er kvennaathvarfið þegar karlarnir sem keyptu þær eru búnir að berja þær til og frá og komnir með leið á þeim.

Einnig er ekki minnst á Kaþólsku kirkjuna sem virðist líta á konur sem annarsflokks manneskjur.  Ekki er minnst á þetta óréttlæti alltsaman þegar er verið að tala um jafnrétti öllum til handa.

Dönsk yfirvöld setji umburðarlyndinu mörk

Afleiðingar óeirðanna

Þarna höfum við dæmi um það hvað gerist þegar lítill hópur einstaklinga tekur sig til og virðist ekki geta lifað eftir þeim lögum sem gilda í samfélaginu.

Þá er frelsi allra hina einstaklinganna skert til að hægt sé að koma lögum yfir þá fáu sem ekki er treystandi til að ganga lausir.  Óeyrðir eins og þær sem gengu yfir Kaupmannahöfn hafa alltaf þær afleyðingar að frelsi almennings er skert með auknu eftirliti lögreglu og Stóri bróðir horfir meira og fastar yfir öxlina á þeim sem hvergi komu nærri heldur en hann gerði fyrir.

Fyrirvaralaus vopnaleit heimiluð á vegfarendum í Kaupmannahöfn

Niðurnídd Hverfisgata

Ég hef lengi velt því fyrir mér hvað á að verða um Hverfisgötuna, ég á oft leið um þessa annars ágætu götu en eftir því sem ég fer hana oftar þá sannfærist ég alltaf betur og betur um það að þetta er einhver ljótasta gata landsins.

Neðst er Hverfisgatan nokkuð eðlileg með Þjóðleikhúsið, Danska sendiráðið og Alþjóðahúsið en Þjóðleikhúsið er varla bygging sem við getum verið stolt af miðað við ástandið sem er á því húsi.  Satt best að segja er Hverfisgatan farin að minna óþægilega mikið á fátækrahverfi með bakhúsum sem eru að hruni komin, veggjakroti, brotnum rúðum og sóðaskap.

Um götuna fer mikill fjöldi ferðamanna, þarna eru hótel og veitingastaðir og því ætti það að vera borgaryfirvöldum kappsmál að hafa jafn fjölfarna götu og Hverfisgatan vissulega er lítandi aðeins betur út heldur en hún gerir núna. 

Er ekki spurning um að viðurkenna hið óumflýjanlega og rífa þessa gömlu hjalla sem enginn virðist skipta sér af og gera ekkert annað en verða ennþá niðurníddari og óhrjálegri og byggja í staðinn hús sem eru okkur til aðeins meiri sóma heldur en þau sem standa þarna núna.