Loksins

Loksins sýnir dómskerfið smá viðleitni í þá átt að sýna afbrotamönnum að það sé ekki nóg að mæta í yfirheyrslu og fara svo heim aftur og halda áfram að brjóta af sér.  Að sjálfsögðu á þessi náungi að sitja inni þangað til búið er að ganga frá hans málum í kerfinu og helst miklu lengur.  Þá er bara að bíða og sjá hvort þetta er forsmekkurinn að dómnum sem hann vonandi fær.

Gæsluvarðhald vegna nauðgunarmáls staðfest

Hvað er eiginlega að gerast?

Þetta sýnir betur en margt annað hverslags ruslaralýður fær að ganga laus undir áhrifum allskonar ólöglegra efna.  Það sorglega við þetta er það gamli maðurinn þarf að súpa seyðið af því að svona kvikindi fá að ganga laus.  Nú verður beðið eftir því að það renni af aumingjanum hann verður yfirheyrður og síðan sleppt lausum svo hann geti dottið í það aftur um helgina.  Það ætti að vera hægt að skikka svona pakk í tafarlausa meðferð þar sem hægt væri að geyma það í nokkrar vikur þangað til hægt er að stinga þeim inn.

Árásarmaðurinn í annarlegu ástandi

Stórhættuleg íþrótt blakið

Ég hef alltaf sagt að þeir sem villast inn á glapstigu íþróttanna eigi sér ekki bjarta framtíð.  Þarna höfum við dæmi um hvað sú hættulega íþrótt blakið getur fengið menn og konur til að gera af sér.  Einnig hef ég heyrt að áhangendur skákmanna og bridge spilara séu einkar hættulegur lýður.  Á mínu heimili er til dæmis einungis stundaður feluleikur þ.e. ég fel mig fyrir konunni svo ég þurfi ekki að fara í þvottahúsið og út með ruslið.

Einn lést og nokkrir særðust í átökum blakaðdáenda

Látum Laugardalinn í friði.

Ég bý í 5 mín. göngufjarlægð frá Laugardalnum og rölti af og til með krakkana mína þarna í gegn.  Það sem ég hef alltaf furðað mig á er að meirihluti dalsins er gjaldskyldur, Fjölskydu og Húsdýragarðurinn tekur stóran hluta af dalnum og þar þarf að borga sig inn samt veldur það nú oft vonbrigðum að rölta þar í gegn því það virðist sem tækin séu annað hvort biluð eða bara höfð í gangi á sunnudögum og þá bara í sólskini.

Svo kemur Laugardalslaugin og Laugar sem taka nokkra hektara í viðbót með bílastæðum og tilheyrandi, þar heyrði ég að mun meiri framkvæmdir standi fyrir dyrum á næstu árum svo ekki eykst plássið í dalnum við það.  Ekki má gleyma Laugardalsvellinum, Laugardalshöllini, Þróttarasvæðinu og tilheyrandi bílastæðum ekkert af þessu nýtist sem útivistarsvæði fyrir alla fjölskylduna.  Nú á svo að fara að setja niður tvö fjölbýlishús sem ekki aðeins takmarka ennþá meir opin svæði í Laugardalnum heldur koma einnig í veg fyrir það að hægt verði að stækka skólalóð Langholtsskóla í framtíðinni. 

Það hlýtur að vera pláss einhverstaðar annarstaðar á höfuðborgarsvæðinu fyrir þessi tvö hús.

„Okkur finnst komið nóg"

Umhugsunarefni fyrir Hafnfirðinga.

þetta er einmitt það sem virðist stundum gleymast hjá Hafnfirðingum, það er hvaðan rafmagnið kemur sem á að knýja stækkað álver.  Margir landeigendur við Þjórsá munu finna mun meira fyrir stækkun álversins heldur en Hafnfirðingar vegna þess að landareignum þeirra verður að hluta til sökkt undir uppistöðulón.

Það myndi væntanlega eithvað heyrast úr Hafnarfirðinum ef allir húseigendur á holtinu þyrftu að sjá á eftir hluta af sinni lóð vegna álversframkvæmda líkt og gerist fyrir austan.

Íbúar við Þjórsá sendu Hafnfirðingum bréf

Endurnýjum Laugaveginn.

Ég þarf að leggja leið mína nokkuð oft niður Laugaveginn og Hverfisgötuna og það besta sem gæti komið fyrir þetta svæði er að fækka þessum gömlu illa hirtu kumböldum sem ættu ekki að sjást við helsu verslunargötu borgarinnar.  Það hlýtur að vera lífsspursmál fyrir verslun á og við Laugavegin að byggð þar fái að þróast og gömul hús að víkja fyrir nýjum.

Um þetta svæði fara flest allir ferðamenn sem til landsins koma og því miður eru Skólavörðustígurinn, Laugavegurinn og Hverfisgatan ekki þær fallegu verslunargötur sem þær gætu verið.

Leggjast gegn niðurrifi húsa við Laugaveg og Vatnsstíg

Álver eður ei?

Ég fór að spekulera eftir að hafa rætt við einn vinnufélaga minn nú í dag um stóriðjustefnuna landrask og mengun sem óneitanlega fylgir með.  Sá góði maður sem er ákafur stóriðjusinni öfugt við mig sagði að sér væri alveg sama um hvernig landið liti út eftir 50 til 100 ár.  Þá yrði hann hvort eð er dauður og afleiðingar stóriðjustefninnar væru honum því óviðkomandi.  Hann vildi njóta gróðans af stóriðjunni strax og sér kæmi ekki við hvað gerðist, það væri hreinlega ekki hans mál hvernig börnin og barnabörnin ættu eftir að hafa það þegar hann yrði dauður.  Hvernig halda menn að svæðið þar sem lónið fyrir Kárahnjúkvirkjun er núna verði eftir 100 ár þegar virkjunin hefur lokið sínu hlutverki og lónsstæðið er orðið fullt af framburði sem fýkur yfir allt austanvert landið og trúlega lengra.

Þetta held ég að sé nefnilega býsna algengur hugsunarháttur hjá þeim sem styðja álver út um allt land með tilheyrandi virkjunum í öllum ám.  Hugsum okkur nú hvernig ástandið verður eftir ca. 40 ár, álverið í Straumsvík er fullstækkað og Hafnarfjörður hefur dreift úr sér allt í kring um álverslóðina sem er orðinn sami flöskuhálsinn á allri byggð og flugvöllurinn er í Vatnsmýrinni núna.  Komið er álver í Helguvíkina, við Húsavík, í Skagafjörðinn og búið er að stækka álverið við Reyðarfjörð um helming.  Þjórsáin er fyrir löngu orðin fullnýtt og öll helstu fallvötn landins eru notuð til raforkuframleiðslu.

Þá gerist það að eithvert af nýrri álverunum vill stækka, hótar því að ef ekki verði sköffuð meiri orka á viðráðanlegu verði þá flytji það bara úr landi 10 til 15 árum seinna.  Þá þarf þjóðin að horfast í augu við það að álrisarnir verða orðnir svo stórtækir og ómissandi fyrir þjóðarbúið og Landsvirkjun að ekki verður hægt að neita þeim um meiri orku sama hvar hún er fengin þá verður ekki spurt hvar sé þjóðgarður eða hvað þurfi að víkja svo hægt sé að virkja.  Þá grípur um sig sama múgsefjunin og ríkir núna í Hafnarfirði svartsýnustu spámenn sjá ekkert nema eymd og volæði og allsherjar atvinnuleysi ef álverið fer svo gripið er til allra ráða til að halda álversmönnum góðum.

Það sem er að gerast í Hafnarfirði núna á eftir að gerast í öllum þeim byggðarlögum sem eiga eftir að verða fyrir þeirri bölvun að fá álver á þröskuldinn hjá sér.  Við höfum séð hvernig málin fara þegar stór vinnuveitandi hverfur af sjónarsviðinu líkt og gerðist þegar varnarliðið lét sig hverfa af suðurnesjunum, svartsýnustu menn sáu byggð því sem næst leggjast af allt umhverfis vallarsvæðið.  En hvað breyttist?  Ekkert, þeir sem unnu upp á velli fengu aðra vinnu og héldu áfram sínu lífi á öðrum vinnustöðum.

Ef við sleppum hugmyndafluginu lausu þá má búast við því að verð á orku hvaða nafni sem hún nefnist eigi eftir að hækka talsvert í heiminum næstu áratugina, sífellt meiri eftirspurn er einnig fyrirsjáanleg á áli.  Er það svo fjarlægt að sá dagur komi að álrisarnir sjái sér hag í því að byggja sín eigin orkuver sem yrðu þá trúlega kjarnorkuver sem myndu þjóna álverum þar sem framleiðslugetan yrði nokkrar milljónir tonna á ári.  Þá ræður verð á vinnuafli staðetningu stóriðjunnar en ekki verðið á orkunni.  Þá er Ísland út úr myndinni, hvað gerum við þá?

Það hlýtur að vera hverjum heilvita manni nokkuð augljóst hversu hættulegt það er að vera með öll egginn í sömu körfunni líkt og fylgismenn stóriðjunnar vilja hafa það.

Ég geri mér nokkuð ljóst að ég er búin að fara út um víðan völl með þetta alltsaman en er ekki nauðsynlegt að skoða hvernig ástandið gæti orðið hjá okkar afkomendum en ekki hvað við getum haft það gott næstu 10 til 15 árin. 

HRÆSNI HRÆSNI!!!!!!

Að sjálfsögðu getur Alcoa andað léttar nú þegar þeirra mál eru í höfn með tilheyrandi skemmdum og mengun.  Nú er bara næsta skref að sýna hvað Alcoa er gott og náttúrúvænt fyrirtæki sem er umhugað um umhverfið.  Þetta er hvort eð er fyrirtæki sem munar ekkert um að eyða nokkur hundruð milljónum til kaupa "good will" hjá almenningi svo þegar þarf að stækka næst þá bara eyða þeir að eins meiru í skógrækt og málið er í höfn

Alcoa tekur ofan fyrir Alþingi vegna stofnunar Vatnajökulsþjóðgarðs

Eru nokkuð að koma kosningar?

Það er mjög athyglisvert að fylgjast með því hvað stjórnmálamenn verða allt í einu áhugasamir um stórframkvæmdir sem þeir hafa helst ekki viljað tala um fyrr en rétt fyrir kosningar.  Nú virðist allt í einu ekkert vera til fyrirstöðu að hefja framkvæmdir, þensluáhrifin virðast hafa gufað upp og stjórnmálamenn sem virtust ekkert vilja tjá sig um Sundabraut eða Suðurlandsveg eru allt í einu farnir að gera sig breiða og vilja helst byrja strax að leggja veg.

Mikið óskaplega væri gott að lifa ef þessir blessuðu menn væru jafn áhugasamir um vinnuna sína eftir kosningar eins og síðustu vikurnar fyrir kosningar.  Sundabraut og tvöfaldur Suðurlandsvegur er hið besta mál en tímasetningarnar í kringum þetta alltsaman eru eilítið sérkennilegar, svo er bara eftir að sjá hvort VG getur sætt sig við þetta alltsaman án þess að finnast gengið á rétt kvenna eða að frjálsræði ökumanna verði of mikið.

Fagnar áhuga einkaaðila á Suðurlandsvegi

Okur hjá Húsa og Byko.

Ég vissi að Kalli vinur minn myndi hrista upp í þessu þegar hann væri orðinn aðal í Múrbúðinni. Þetta er nefnilega alveg satt, álagningin og okrið sem viðgengst bæði hjá Byko og Húsasmiðjunni er engu lagi líkt.  Engin furða að þeir geta gefið fastakúnnum allt að 35 til 40% afslátt og verið með einstaka vörur á 60 til 70% afslætti þegar álagningin er langt yfir 100% og þjónustan því sem næst engin.

Segja afsláttarmálningu aldrei hafa verið selda á upprunalegu verði