Látum Laugardalinn í friði.

Ég bý í 5 mín. göngufjarlægð frá Laugardalnum og rölti af og til með krakkana mína þarna í gegn.  Það sem ég hef alltaf furðað mig á er að meirihluti dalsins er gjaldskyldur, Fjölskydu og Húsdýragarðurinn tekur stóran hluta af dalnum og þar þarf að borga sig inn samt veldur það nú oft vonbrigðum að rölta þar í gegn því það virðist sem tækin séu annað hvort biluð eða bara höfð í gangi á sunnudögum og þá bara í sólskini.

Svo kemur Laugardalslaugin og Laugar sem taka nokkra hektara í viðbót með bílastæðum og tilheyrandi, þar heyrði ég að mun meiri framkvæmdir standi fyrir dyrum á næstu árum svo ekki eykst plássið í dalnum við það.  Ekki má gleyma Laugardalsvellinum, Laugardalshöllini, Þróttarasvæðinu og tilheyrandi bílastæðum ekkert af þessu nýtist sem útivistarsvæði fyrir alla fjölskylduna.  Nú á svo að fara að setja niður tvö fjölbýlishús sem ekki aðeins takmarka ennþá meir opin svæði í Laugardalnum heldur koma einnig í veg fyrir það að hægt verði að stækka skólalóð Langholtsskóla í framtíðinni. 

Það hlýtur að vera pláss einhverstaðar annarstaðar á höfuðborgarsvæðinu fyrir þessi tvö hús.

„Okkur finnst komið nóg"

Athugasemdir

[Guttormur, 30.3.2007 kl. 09:39]

Sammála þessu. 

Ég hvet þig til að senda inn rökstuddar athugasemdir inn á skipulag Reykjavíkur fyrir 13 april, sjá nánar á Guttormi,   Mótmælum þessu hástöfum

Andrea Þormar

[Margrét (IP-tala skráð) 30.3.2007 kl. 14:26]

Eitt sem mér finnst líka eigi að koma fram að þetta er ekki bara spurning um að íbúar við Laugardalinn standi vörð um það litla svæði sem ekki er nú þegar ráðstafað. Þetta er og var alltaf hugsað sem útivistarsvæði allra borgarbúa,og því málefni allra borgarbúa,þó það standi okkur íbúum nágrennisins að aðvara borgarbúa um fyrirætlanir "yfirvalda"

[Sigríður (IP-tala skráð) 1.4.2007 kl. 13:47]

Sæll Maron og takk fyrir þitt góða blogg.

Ég tek undir með henni Andreu og hvet þig til að senda akkúrat þessar athugasemdir sem þú rekur á blogginu beint inn til skipulagssviðs, þetta eru góð rök gegn frekari byggingarstarfsemi í útivistarsvæðinu sem bráðum verður fyrrverandi útivistarsvæði borgarbúa.

kv.

Sigríður