Mikið á sig lagt fyrir 800 kall

Hveð er það sem veldur því að aumingjaskapurinn nær þvílíkum tökum á fólki að það sér sig tilneytt til að ræna gangandi vegfarendur sem eiga leið um. Tilhugsunin ein og sér, um að ráðast á einhvern til að verða sér út um verðmæti hlýtur að vera fáránleg hverjum rökhugsandi manni.

Einnig virðist virðingarleysi ganvart öðrum og eigum annara vera orðið gríðarlegt, við sjáum veggjakrot á hverju einasta húsi niðri í bæ, rúður brotnar, auglýsingaskilti eyðilögð og jafnvel bílar skemmdir sem í sakleysi sínu standa niðri í bæ og bíða eigandans.

Hver er ástæðan fyrir þessu?  Höfum við það of gott og erum þess vegna hætt að gera okkur grein fyrir verðmætunum sem fara til spillis með svona háttalagi, eða það sem verra er, er fólki einfaldlega alveg sama þó að það sé að valda öðrum tjóni með skemmdarfýsn.

Það hlýtur að vera einn þáttur umhverfisvendar að vernda umhverfið fyrir svona fólki.

Og að lokum, ætli þessir þrír hafi verið útlendingar........? Nei, barað djóka

Réðust á tvo Breta á Laugavegi og rændu af þeim 800 krónum

Athugasemdir

[halkatla, 7.3.2007 kl. 11:13]

ég var að rölta um nágrannahverfi miðbæjarins um daginn og fékk áfall yfir öllu veggjakrotinu sem var á húsum, allskonar einbýlishúsum jafnvel. Samt finnst mér það yfirleitt flott þegar ég er niðrí bæ en kom on, þetta veldur manni bara óhug. Verslunarhús er eitt og íbúðarhús eru annað - það er allavega mín skoðun þegar veggjakrot er annars vegar. 

Og þetta virðingarleysi er ekki sniðugt. Rosalega skammast maður sín fyrir þessa íslendinga sem rændu bretana, það ætti að hýða þá niðrá Lækjartorgi opinberlega fyrir heimskuna. Nei, maður segir nú bara svona...