Hagur Hafnarfjarðar fer hamförum.

Það er greinilegt að hræðsla er kominn í forsvarsmenn álversins þar sem allar klær eru úti þessa dagana við að afla stækkun fylgis.

Hér inni á blogginu eru farnar að birtast færslur frá að því er virðist starfsmönnum álversins sem eru því sem næst eins, og nokkuð ljóst að búið er að leggja mönnum línurnar með málflutning.

Það er allavegana brostið á með bullandi hræðsluáróðri og einskis svifist.  Fyrst ekki var hægt að tala Hafnfirðinga til með góðu þá er skrattinn málaður á alla veggi og látið líta út sem svo að ef álverið fari þá líði Hafnarfjörður undir lok og ekkert verði eftir sem byggjandi er á.

Við megum án nokkurs vafa eiga von á ennþá háværari málflutningi þeirra Hags manna og kvenna fram að kosningum.

Athugasemdir gerðar við málflutning Hags í Hafnarfirði

Athugasemdir

[Jóhanna Fríða Dalkvist, 26.2.2007 kl. 10:48]

Hagur Hafnarfjarðar er stofnað að frumkvæði fyrirtækja og einstaklinga sem hafa hags að gæta. Isal hvorki bað um eða hvatti til að við stofnuðum þetta félag, kemur að engu leiti að þessu félagi. Þú hlýtur að sjá að við höfum hagsmuna að gæta í þessu máli og það þarf engin að segja okkur til með það. Við hinsvegar trúðum því ekki að það þyrfti til að við kæmum fram með okkar sjónarmið þar sem okkur finnst þetta svo sjálfsagt og augljóst mál. Við getum hins vegar ekki þagað lengur eins og þú hlýtur að skilja líka.

Ég skil ekki af hverju allt sem meðmælendur stækkunar segja sé eitthvað tortryggilegt og vafasamt. Við megum ekki þegja og við megum heldur ekki segja okkar skoðanir, sama hvað er, það er tortryggilegt, hvernig stendur á því ?

[Maron Bergmann Jónasson, 26.2.2007 kl. 11:12]

Hvernig stendur á því að ykkar tölum ber ekki saman við þær tölur sem Alcan er sjálft með á heimasíðu sinni hvað varðar fjölda byrgja og þess háttar.

Það væru samt alltaf 10 til 15 ár þar til álverinu yrði lokað, það er nú hægt að gera býsna margt á þeim tíma til að vinna upp á móti lokuninni

[Jóhanna Fríða Dalkvist, 26.2.2007 kl. 11:34]

Á heimasíðu Alcan segir "Á árinu 2006 var heildarfjöldi birgja sem hafa aðsetur í Hafnarfirði vel á annað hundrað." http://www.alcan.is/?PageID=211

Það eru 7 ár þangað til raforkusamningar renna út, rekstur fyrirtækisins eftir það er mjög óviss.