Heimskunni engin takmörk sett

Alltaf er jafn athyglisvert að fylgjast með þessum "náttúruverndarsinnum" sem virðast sjaldnast hafa hundsvit á því hver á vélarnar sem þeir eru að skemma eða hvaða tilgangi þær þjóna.  Skemmdarfýsnin virðist yfirleitt vera ráðandi frekar en eithvað annað. 

Við sáum einmitt hvernig snillingar þetta eru sem standa að svona aðgerðum í fréttum nú í sumar þegar einhverjir hassreykjandi hippalýður safnaðist saman við Kárahnjúka og við álverið á Reyðarfirði til að mótmæla.

Þeir viskubrunnar sem komu í viðtöl í fjölmiðlum virtust varla vita í þennan heim eða annan,  það eina sem þeir virtust vita með vissu var að þeir væru staddir á austurhluta Íslands, hitt var frekar þokukennt og óljóst.

 Svo þið "náttúruverndarsinnar" næst þegar þið þurfið að koma í viðtal í fjölmiðli veljiði þá þann úr hópnum sem kann að minnsta kosti að skrifa nafnið sitt og koma frá sér heilli, óbjagaðri setningu.

Segjast hafa skemmt vinnuvélar í mótmælaskyni

Athugasemdir

[Hlynur Hallsson, 21.2.2007 kl. 09:21]

Sæll Maron, það er nú ekki alvag sanngjarnt að setja alla náttúruverndarsinna undir einn hatt þó að nokkrir stundi skemmdarverk og skemmi þar með fyrir málstanum. Mikill meirihluti náttúruverndarsinna er friðelskandi fólk sem er ekki að skemma eigur annarra. Bestu kveðjur,

[Maron Bergmann Jónasson, 21.2.2007 kl. 09:25]

Ég tel mig vera náttúruverndarsinna er eindregið á móti Kárahnjúkavirkjun og öllu þessu álversbulli, en þessir "náttúruverndarsinnar" sem eru hér á ferðinnu eru bæði að skemma fyrir sjálfum sér og öðrum með svona fávitaskap.

[Jóhanna Fríða Dalkvist, 21.2.2007 kl. 10:24]

Ég tel mig líka vera náttúruverndarsinna en er ekki á móti Kárahnjúkavirkjun né stækkun álversins í Straumsvík, spáið í það....